البيانيست الجنوبى.. ديوان حامد عامر ضمن سلسلة الشعر العامي بهيئة الكتاب  

صدر حديثا عن الهيئة المصرية العامة للكتاب برئاسة الدكتور هيثم الحاج على عن سلسلة الشعر العامي، ديوان شعر بعنوان ” البيانيست الجنوبي للشاعر حامد عامر.

جاء الديوان في ٩١ صفحة من القطع الصغير.
يحتوي الديوان على عدة قصائد عامية منها : كل عام و انتي حلوة ، البيانيست الجنوبي ، بسكاليا ، نغم امشير ، الليلة دي اختبار سهر نوفمبر.

و من أجواء الديوان ومن قصيدة البيانيست الجنوبي نقرأ:

جدي البيانيست الجنوبي
يملك بيانو جنب مجرى النيل
حبه النخيل قام حفظه النوتة
علمها تانجو رقصت التوتة
خلا المعابد تحضر البروفات
وانا كنت يومها في خدمة الخواجات
(حنطور ياليدي / أيوه ياسينيور)

يارب ابعت كتر البرانيط
يارب قلل صدقة الميرسي
یارب زود ندعة البقشيش
و وشوش کثیر وردت عليك يا البر
كل أما تحفظ وش ما بتلحقش
مع كل فوج مع كل جنسية
وانا لسه بـ أنقش بسمتي مضطر
ف تدوب ملامحي ونقش يطمس نقش
وارجع في آخر اليوم بربع نبيت
أجري بشوقه لعشته ع الشط
– ياجد .. يا جد
Welcome يا كلب يا ابن ابن الكلب
– الله يسامحها قلوب حبت

* أخبارها ايه الخلق دي اللي هناك / والربع فين
– عايشين بيجروا يا جدع الأرزاق والعيشة صعبة..
(ولسه هستعبط)
*فين النبيت .. ؟!
– بالله ياجدي تبطل الخمرة
* طب بطل انت يا واد تجيبهالي
توترات المرارة وف نفس واحد
و فضلنا نضحك و اترمينا الجوز
ما اعرفش مين سكران ومين فايق
*النجمة دي
مالها يا جد ؟!
* النجمة دي م البوسطجيه القدام
جاية بتبرق ضيها مرسال
راكبالها عحلة و القمر بيلف
رنت جرسها بس قرب الفجر
الشمس طلعت كسرت البدال ..
_الله ” ياجد ” وكمان بتشعر
* مارجريت
_كمل “يا جد”
*مارجریت مارجريت
وقعد بطول الليل يردد مار جريت
هي حبيبته اللندنيه..
هي اللي علمته البيانو والنبيت
اللي دخلت قلبه لابسة الكعب
كان قلبه طمي ف طمي
لما نشف م الهوا / لما نشف م الهجر
على كعبها اتشكل

ملعون أبوه الحب ملعونة رجاه
وقعدت أردد ويا صوته مارجريت..مارجريت
يبكي .. أبكي / يضحك .. أضحك

وف كل ليلة احنا كما احنا

أنا ببكرايه العليل .. وهو بذكرته الهشة

عايشين مابين محضين

دين الغريق ومذاهب القشة

و الشاعر حامد عامر من محافظة اسوان مركز ادفو قرية كلح الجبل، صدر له ديوان بعنوان “آخر صلاة ” عام ٢٠١٦.