ننشر قصيدة “دوامات” من ديوان “لسة الوجع موجود”

ينشر الموقع الإخباري الرسمي لهيئة الكتاب إحدى قصائد ديوان ” لسة الوجع موجود”، للشاعر عادل محمد قلاوة، والصادر عن الهيئة المصرية العامة للكتاب.

“دوامات”
سايباني ليه؟!
ف .. وسط ليل
بيرمي بي في الدوامات
سايباني ليه؟!
داير أعافر
لاجل اعيش من غير ألم
من غير آهات
سايباني ليه؟!
د انا باتولد قدام عنيك
و تكدبي ٠. و تقولي
.. مات
يا ملبساني هدومي بالمقلوب
ومحصداني الحزن
يوم العيد
ومعلقاني في مشنقة

متشرنقة

يا ضحكة الصبح الوليد
متقيدة بقيود حديد
عصافير حزينة على الشجر
دمع انحدر
مع نن عين كل الزهور
دا انا باتولد قدام عنيك
و تكدبي .. وتقولي مات
يا مر لحظة.. الانكسار
يا شعاع في قلب الشمس
رافض الانتشار
يا طريق طويل
آخره مشانق الانتحار
يا عمر فات
يا ام الأمل والأمنيات
أم السما.. أم الشجر