“مشہد وكنت حزين”.. من ديوان “ديوان الرؤيا” عن هيئة الكتاب

صدر حديثا عن الهيئة المصرية العامة للكتاب ، ضمن سلسلة ديوان الشعر العامي ديوان بعنوان “ديوان الرؤيا” للشاعر أحمد جمال.

من أجواء الديوان نقرأ من قصيدة مشہد وكنت حزين:
زاهد بقلب مالوش نصيب في اللقا
حامل شهادة سير بعلم الهوى
بترد فيه الروح .. يبرد فيها الشقا..
الضحكة للمحروم..
عاملينها ع الضيق
وأنا كنت مش معزوم..
ماسك في طرف هدوم كل اللي مزعني
مش قرصة للمرحوم ..لكن باوزعني
رحمة ونور ع الكل وكفوفي بيحبوا
أنا كنت زي الفل ..دلوقتي مش زيه

زاهد ..في علة قلبي شيء م الدوا
إنسان في وصفي من اللي حب ونوى
صحفي من اللي يدسك النونوة
مايحبنيش الفكر في التعقيد
مايحبنيش الشعر في التمجيد
ماتودنيش اللمة ..يعني وحيد
ولا عمري قلت باحب ..إلا بخوف
اسمع لقلبي ف توهة ..لما يشوف
في الشدة كنت أنا بابقى حتة صوف
ستر وغطا اللي يعوز
في القعدة كنت أنا بابقى ضحكة تبان
لما المحبة تجوز..