شبكة عالم جديد الإخبارية عالم جديد..شبكة إخبارية تتيح مساحة جديدة للمعرفة والإبداع والرأي حول العالم..
صدر حديثا عن الهيئة المصرية العامة للكتاب، برئاسة الدكتور أحمد بهي الدين، ديوان «فيلم رعب طويل» للشاعر عبد الرحيم يوسف، ضمن سلسلة ديوان الشعر العامي.
من أجواء الديوان نقرأ من قصيدة “فوبيا دبابيس الصدر” :
تعمل إيه لو رجلك ساخت
ف شوية ميه مقطوعة من شجرة؟
وعينيك اتحولت علبتين ورنيش
متحولين م النص ؟
وقلبك طلعت له جناحات حمرا
بيخبط بها على ضلوعك
وانقطعت إشارات المخ
وبقيت لوحدك ع الجبهه
تستنجد بطابور ذكريات مدرعه ؟
ولا بصاحب إيجار جديد ؟!
تستسلم للعصفور اللي بينهش كبدك ؟
ولا تجز رقبته بموس بارد
وتقدمها على طبق صاج
لروحك العليله ؟!
والأدهى إنك كل ما تنقل خطوه
تدهسلك میت عفريت بالميت
ويطلعلك لكل واحد ميت أب
عايزين ياخدوا بتارهم
يعني المسكنة ح تحنن قلب مين ولا مين!!
ومين يصدق إن دبوس صدر
يقدر يجر وراه كل الكوابيس دي ؟!
