محمد رفعت يقدم “الألعاب النفسية” لجمهور المعرض

يشارك كتاب “الألعاب النفسية”، للكاتب محمد رفعت، والصادر عن دار أكوان للنشر والترجمة والتوزيع، بمعرض القاهرة الدولي للكتاب في يناير الجاري.

ومن أجوائه نقرأ:

لعبة البامية شوكتني
مروحش الغيط دا البامية شوكتني
أبويا قالي يا فكرية
متركبيش العربية
هيحسدوكي وأنت صبية
والبامية شوكتني
أغنية كلماتها ملهاش علاقة ببعض، إيه دخل الغيط بالعربية بالحسد بالقلل، كل حاجة منهم في حتة تانية خالص.
ده بيحصل حرفيا في بعض علاقات الناس مع بعضها، حد بيتكلم في مشكلة محددة وواضحة يجي الطرف التاني يسيب الموضوع الأصلي ويمسك في مواضيع تانية بعيدة كل البعد عن الموضوع اللي بيتكلموا فيه وبالتالي المشكلة تزيد وتتفرع وكل فرع يتفرع لفروع تانية خالص أبعد وأبعد وبالشكل ده المشكلة البسيطة اللي ممكن تتحل في لحظة تتشعب والزعل يزيد والمشاكل الفرعية تكتر والضغط النفسي يكون أكبر لدرجة ممكن توصل حقيقي لمشكلة عضوية زي ارتفاع ضغط الدم أو القولون أو السكر وغيرها من الأمراض النفسجسدية.
أد إيه اللعبة دي متعبة أوي للطرفين خاصة لو كانوا زوجين وواحد منهم عنده إحساس عميق بالنقص جواه وعايز يخرج النقص ده في الطرف التاني، دايما بيحاول يتصيد الأخطاء وبيمسك في أقل حاجة ويعمل منها مشكلة كبيرة، أي مشكلة ولو بسيطة بيدخلها في حوارات كتير عشان بس يطلع نفسه هو الصح والتاني هو اللي غلط، مبيسبش فرصة للضغط النفسي إلا ويتصيدها عشان يبان إنه هو المتحكم وهو سيد الموقف ولما يتزنق أوي وميعرفش يرد يلف ويدور عشان يموه علي الموضوع الأساسي.
محمد رفعت محمد مرعي، ماجستير في الصحة النفسية تخصص علم نفس كلينيكي، دبلوم عام فى التربية.
Mini MBA التنمية البشرية وادارة أعمال – معتمد من جامعة القاهرة، دبلوم HR، دبلوم إرشاد أسرى، دبلوم علم النفس التربوى
دبلومة المسرح، دبلومة التسويق، دبلومة التفاوض.
مدرب تحليل نفسى واختبارات اسقاطية، اخصائى تخاطب واضطرابات النطق والكلام، مدرب معتمد من جامعة القاهرة
ممارس برمجة لغوية وعصبية معتمد، ممارس التنويم بالإيحاء معتمد.

إصدارات:
خمس حالات في مخططات جفري يونج (دراسة نفسية) (2022). دارالنشر: رايتر اوبريشن للنشر والتوزيع.
مقياس المخططات المعرفية اللاتكيفية المبكرة (2022) – دليل الاختبار وكراسة التعليمات- تأليف مشترك مع أ.د/ عبير دنقل. دار النشر: أكوان للنشر والتوزيع.