شبكة عالم جديد الإخبارية عالم جديد..شبكة إخبارية تتيح مساحة جديدة للمعرفة والإبداع والرأي حول العالم..
ينشر الموقع الإخباري الرسمي لهيئة الكتاب ومعرض الكتاب قصيدة “لما التقوا” من ديوان “ديوان الرؤيا” للشاعر أحمد جمال، الصادر عن الهيئة المصرية العامة للكتاب برئاسة الدكتور أحمد بهي الدين.
بحكي ومني الكلام يسعد بما يحويه
أسعد بتعبيره ويسعد إن أنا بحكيه
عين الأمل عيني وكلامي للأمل كان فيه
وإن خاف في يوم يتحكي قبله العيون يبدأوا
قدمت قولي بمشيئة وقلت هيصدقوا
ياما الأماني وبكرا فيا التقوا
قبل اللي قالوا ياريت وياهل ترى
أنا شوفت فيا الخطوة متقدرة
في رؤيا كانت من حنين مسني
يوم لما سيبته وسابي كرسيا
في رؤيا تسعد كل من حبني
أنا شوفتني.. بنوتة غير ديا
بتخطي عادي وللعيون بتبان
ماتخافش من عجلتهاع الفستان
أول ما قالت حي ع العرسان
ماتقالهاش استني مش دورك
ماتقالهاش استني للأولى
في رؤيا كانت حلم ومحاولة
أنا شوفتني بنوتة وسط صحاب
غير اوضي.. غير سور بلكونتها الغاب
أنا شوفتي باخبط برجاي الباب
