شبكة عالم جديد الإخبارية عالم جديد..موقع ينقل المعلومة والخبر من كل مكان في العالم وينشر المعرفة والإبداع
يشارك كتاب ” أنت بطل حياتك”، للكاتبة سارة عبدالرحمن سليم، والصادر عن دار يوريكا للنشر، بمعرض القاهرة الدولي للكتاب في دورته المقبلة ال٥٣.
يستعرض كتاب أنت بطل حياتك مجموعة من الأقوال والاستراتيجيات التي تمنحك الطاقة الإيجابية لتغيير حياتك للأفضل، فالإنسان وحده هو القادر على التغيير من نفسه وأن يصبح بحق بطلًا لحياته.
من الكتاب:
“خد خبرات من الحياة.متضيعش من وقتك وعمرك كتيرعلى حاجات مش مفيدة، إنتَ متخيل أن ربنا هيحاسبنا حتى على الوقت! تخيل كدا نفسك وربنا بيسألك أنت كنت بتعمل إيه في حياتك كنت بتستفاد إزاي من وقتك؟
هترد وهتقول إيه؟
حاول إنك متضيعش لحظة من عمرك؛ الوقت مهم جدًا، وكل دقيقة من وقتك أنت تقدر تستفاد بيها وتغيّر حياتك للأحسن، حاجات كتير ممكن تستفاد أنت بيها مثلًا: ممكن تتصفح على الإنترنت وتقرأ كتب كتير، خد كورسات لغات أو أي كورسات مفيدة، اِتمرن ومارس الرياضة حتى ولو أنت في مكانك العب يوجا استرخ، قابل ناس ناجحة ومثقفة يفيدوك من خبراتهم، واعرف منهم ازاي وصلوا لأهدافهم وحققوا إنجازاتهم، اتعلم السباحة، وركوب الخيل، والرماية، واتعلم تكتب شعر، اتعلم أي حاجة أنت بتحبها، كوّن صداقات كتير خد خبرات من الحياة واتعلم من أخطائك.
استثمر في نفسك.
يذكر أن سارة عبد الرحمن سليم تدرس في كلية التجارة جامعة الاسكندرية، إلا أن لديها شغف قوي بتطوير الذات والتنمية البشرية، وقد قرأت كثيرًا في هذا المجال، كما أن لها العديد من الكتابات عبر حسابها على الفيس بوك ومواقع الانترنت الأخرى.
